Dun xeito democrático sen precedentes na mellor provincia, por primeira vez unha muller nada en 1978 presidirá a senlleira institución. O alcalde de Becerreá, Manuel Martínez, confesou atoparse en perfectas facultades mentais no momento en que decidiu que sería mellor que gobernase a forza máis votada, ao tempo que brindaba cun cacharro de Cacaolat.

«Pensei que o mellor sería votar por Elena Candiá, porque rima con Becerreá», engadiu o político socialista, negando que a súa decisión tivese algo que ver con ter sido apartado da candidatura a presidente da Deputación pola disconformidade do BNG a apoialo.